عائلة حماده عبد اللطيف في لقائها مع أمل الأمة: لن نتنازل عن حقنا ونطالب بالقصاص

حوار : أحمد الإسكندراني ومريم عمران - خاص أمل الأمة

بعد خروج الأستاذ حمادة عبد اللطيف من غرفة العمليات اردنا ان نطمئن علي حاله وحال اسرته من بعد ماحدث لهم وما أصابهم فكان لنا مع اسرته هذا الحوار وكما نطقت به كتبناه لكم حتى تشعروابحجم مأساتهم

في البداية ممكن تعرفينا على الأستاذ حمادة ؟

الاسم حمادة إبراهيم عبد الطيف عنده 47 سنه
مدير إدارة في شركة الإسكندرية للبترول
عنده خمس أبناء
الأولى بكلية الطب والثانية بالصف الأول الثانوي والثالث بالصف الأول الإعدادي والرابعة بالصف الرابع الابتدائي والخامسة فى أولى حضانة

ماهى ملابسات الاعتقال ؟
كنا نازلين نودي الاولاد المدرسه الساعه 8 صباحا لان ادارة المدرسة بلغتنا بكده . اخدنا البنتين ونزلنا ووجدنا قوات امن كتيره وكاننا نريد فتح غزه
فوجئنا بقوات امن حالت بيينا وبين المدرسه ولكنا اعترضنا بسبب أننا اخذنا معاد من إدارة المدرسة حاولوا إبعادنا عن المدرسة بكل الطرق شتائم وسب وإهانة واحضروا "جرايه" واعتصم أولياء الامور وأصروا علي الوقوف

واحضروا قوات امن يضربونا وعملوا كماشات على أولياء الامور وأي ولي أمر بيحمل طفله يحاولوا ضربه واعتقالهز فزودوا في ضربنا والي حصل مع الأستاذ حمادة انه كان شايل مريم -4 سنين في الحضانة - فاخدوها منه ورموها على الرصيف وعملوا عليه كماشه وضربوه ضرب شديد مبرح وضربه الضابط 5 او ست مرات على رقبته "بالبياده" وكان في اربعه مساكينه لحد ما اغم عليه من الضرب

وشالوه ورموه في العربيه فانا جريت عليه وقلت زوجي زوجى راح رافسنى وعملي كدمه في رجلي وشتمنى وقالى امشي يا بنت كذا فقلتله نروح المدرسة قالنا لو حسنى مبارك جه برضوا المدرسة مش حتتفتح وان ممشيتيش يا بنت كذا احنا جايلنا امر باعتقال رجاله وستات.
بعد كده قعدوا يجروا ورانا من امام مدرسة الجزيرة الي مطعم اسمه ويدوس احنا نجرى وهما يجروا ورانا

متى علمتم بنبأ الإصابة؟
معرفناش خبر الإصابة علي طول عرفنا الساعة 3 صباحا يوم الخميس ومعرفناش الا من البحث المستمر عنه من خلال اخوه وصحابه فى الاقسام شويه يقولوا هو في الفراعنه او الدخيله
وفوجئنا به موجود في مستشفى الميرى بدون أي عناية وكان المفروض يعملوا العملية إلي عملوها له دي بعد الإصابة بساعتين لأنهم تركوه فحصلت مضاعفات ول يسمحوا لنا بزيارته أبدا إلا عندما بكت مريم الصغيرة فسمحوا بثانيتين ولما لقوني بقوله اصبر واحتسب راح طردني وقالي يلا بره

هل ذلك أن الأمن الذي أبلغكم بما حدث ؟
لا ...فرد من المجموعة المعتقلة هو إلي قال لأخوه انه في المستشفي الميري مصاب

كيف كان وقع الخبر عليكم؟
مصيبة وكارثة فهو أب لخمس أفراد حتى الطبيب المعالج قال لنا استعينوا بالله مش حقدر اقولك حاجه غير انك تلجئي لربنا . هما مطلعين العظم متفتت من رقبته تخيل رب أسرتنا لما بيروح ويجيى ويقضي حاجة الأسرة بنفسه ينكسر وينهزم كده
وواقع نفسيته علينا صعب جدا فتخيلوا معنا وارجوا أن صوتي يصل للمسئولين أنا مش حسكت أبدا إلي عمل كده لازم يتعاقب ولازم ناخد حقنا لان ديننا به القصاص ولازم يعالجوه بره انا حروح الفضائيات وحقوق الإنسان وحفضحهم حتى لو أذوني احنا مش في دولة ديمقراطية إحنا في دولة بلطجة بيتداس علينا بالجزم ومفيش لينا قيمه
علي الأقل لما لواحد بيشوف مناظر في فلسطين بيقول دول يهود وبيعملوا في الفلسطينيين كده فتخيلوا إلي بيحمل ديني بيعمل فيه كده !!!!!!!!!
.

.